პროექტი Starring Georgia ბევრად მეტი ტურისტის ჩამოყვანას შეუწყობს ხელს – მაია ომიაძე

პროექტი Starring Georgia ბევრად მეტი ტურისტის ჩამოყვანას შეუწყობს ხელს – მაია ომიაძე

საქართველოს ტურიზმის ეროვნული ადმინისტრაციის ხელმძღვანელის მაია ომიაძის განცხადებით, მსოფლიო დონის ვარსკვლავების ჩამოსვლა, ხელს შეუწყობს, როგორც ტურისტული რაოდენობის, ასევე შემოსავლების გაზრდას და ქვეყნის იმიჯის ამაღლებას.

„საქართველოს მთავრობის მიერ ინიცირებული ახალი მასშტაბური პროექტი Starring Georgia ხელს შეუწყობს ბევრად მეტი ტურისტის ჩამოყვანას, რაც შესაბამისად შემოსავლებზე აისახება. ყველა დიდი ღონისძიება, რომელიც საქართველოში ტარდება და განსაკუთრებით საერთაშორისო ვარსკვლავების შოუები, ქვეყნის ცნობადობაზე ძალიან პოზიტიურად აისახება. აღსანიშნავია, რომ მელომანები, როდესაც ტურნეს, ვარსკვლავს მიყვებიან და კონცერტის მიზნით მოგზაურობენ სხვადასხვა ქვეყანაში, ბევრად უფრო დიდი ხნით რჩებიან ტურისტებად“, – განაცხადა მაია ომიაძემ.

დაგეგმილი კონცერტების მეშვეობით შემოსავლების ზრდას ელოდება პრემიერიც. როგორც მან გუშინდელ მთავრობის სხდომაზე განაცხადა, ქვეყანა შემოსავლის სახით 100 მილიონ ლარზე მეტს მიიღებს.

“წელს ბუმი იქნება მაღალი დონის შემსრულებლების, არტისტების და მათი კონცერტები გაიმართება.
აქვე მინდა განმარტება გავაკეთო, რომ საუბარი იყო თითქოს 70 მილიონი ლარი იხარჯება ამ კონცერტებში, რა თქმა უნდა, ეს შეიძლება იყოს ბიუჯეტი, მაგრამ აქედან ჩვენ როგორც პირდაპირ, ისე არაპირდაპირ შემოსავლებს ველოდებით. შეიძლება იყოს მინიმუმ 100 მილიონზე ლარზე საუბარი. ამას ემატება ქვეყნის ცნობადობის ამაღლება, პრესტიჟი”,- განაცხადა პრემიერმა.

ცნობისთვის, Starring Georgia-ს კამპანიის ფარგლებში, Black Sea Arena-ს სცენის გარდა, კონცერტები თბილისსა და სხვა ლოკაციებზე ჩატარდება.

დაანონსებულია შემდეგი ღონისძიებები:
„Nile Rodgers & Chic“ / 5 აგვისტო / „Black Sea Arena“/Front Stage
„FKJ“ / 6 აგვისტო / „Black Sea Arena“/Front Stage
„Damian Lazarus“ / 10 აგვისტო / „The Social Space“
„The Killers“ / 15 აგვისტო /„Black Sea Arena“
„All Day I Dream“ / 18 აგვისტო / „The Social Space“
„Imagine Dragons “/ 31 აგვისტო / „Mikheil Meskhi Stadium“.

მსგავსი სიახლეები

ჩინეთთან უვიზო მიმოსვლა 28 მაისს ამოქმედდება

ჩინეთთან უვიზო მიმოსვლა 28 მაისს ამოქმედდება

საქართველოს საგარეო საქმეთა მინისტრის მოადგილე ალექსანდრე ხვთისიაშვილი საქართველოში ჩინეთის სახალხო რესპუბლიკის ელჩს, ჭოი ციენს შეხვდა. საგარეო საქმეთა სამინისტროს ინფორმაციით, საქართველოში ჩინეთის…
ბირჟაზე ნავთობის ფასი გაიზარდა

ბირჟაზე ნავთობის ფასი გაიზარდა

საერთაშორისო ენერგეტიკულ ბირჟაზე აღმასვლის ტენდენცია ფიქსირდება. ერთ კვირაში ბარელი ნავთობის ფასი საშუალოდ 2%-ითაა გაზრდილი და ამჟამად Brent-ის ფასი 89 დოლარს აღწევს,…
2024 წლის სამ თვეში საქართველოში ელექტროენერგიის გენერაცია 7%-ით გაიზარდა, მოხმარება კი 2%-ით

2024 წლის სამ თვეში საქართველოში ელექტროენერგიის გენერაცია 7%-ით გაიზარდა,…

2024 წლის პირველ სამ თვეში საქართველომ 3.69 მილიარდი კილოვატ საათი ელექტროენერგია მოიხმარა, რაც წინა წლის ანალოგიურ პერიოდთან შედარებით 2%-ით მეტია. სემეკის…